Advertisement
ಬೆಂಗಳೂರು : ಚಾಮರಾಜಪೇಟೆ ಮೈದಾನ ಕಂದಾಯ ಇಲಾಖೆಗೆ ಸೇರಿದ್ದು, ಇದು ಯಾರಿಗೂ ಸೇರಿದ ಆಸ್ತಿಯಲ್ಲ . ಏನ್ ಮಾಡಬೇಕು ಎಂದು ಇಲಾಖೆ ನಿರ್ಧಾರ ಮಾಡುತ್ತೆ ಎಂದು ಕಂದಾಯ ಸಚಿವ ಆರ್ ಅಶೋಕ್ ಹೇಳಿದ್ದಾರೆ.
ಬೆಂಗಳೂರಿನಲ್ಲಿ ಆರ್ ಅಶೋಕ್ ಮಾತನಾಡಿ 75ನೇ ಸ್ವಾತಂತ್ರ್ಯೋತ್ಸವವನ್ನು ಯಶಸ್ವಿಯಾಗಿ ಮಾಡಿದ್ದೇವೆ. ಯಾರೂ ವಿರೋಧ ಮಾಡಿಲ್ಲ, ಗೊಂದಲ ಸೃಷ್ಟಿಸಿಲ್ಲ. ಗಣೇಶೋತ್ಸವವನ್ನೂ ಅತ್ಯಂತ ಯಶಸ್ವಿಯಾಗಿ ಮಾಡಿ ತೋರಿಸುವೆ ಎಂದಿದ್ಧಾರೆ. ಸುಪ್ರೀಂಕೋರ್ಟ್ನಲ್ಲಿ ನಮ್ಮವರೂ ಸಮರ್ಥ ವಾದ ಮಾಡುತ್ತಾರೆ. ಅಡ್ವೊಕೇಟ್ ಜನರಲ್ ಇದ್ದಾರೆ, ಸಾಲಿಸಿಟರ್ ಜನರಲ್ ಕೂಡಾ ಇದ್ದಾರೆ. ಜಾಗ ಕಂದಾಯ ಇಲಾಖೆಗೆ ಸೇರಿದ್ದು ಅನ್ನೋ ದಾಖಲೆಗಳಿವೆ. ಐದು ಅರ್ಜಿಗಳು ಬಂದಿದ್ದವು, ಮೂರು ಅರ್ಜಿ ರದ್ದು ಮಾಡಿದ್ದೇವೆ. ಇನ್ನೂ 10 ಗಂಟೆಗಳ ಅವಕಾಶವಿದೆ , ತೀರ್ಮಾನ ಮಾಡುತ್ತೇವೆ ಎಂದು ಹೇಳಿದ್ಧಾರೆ.
