Advertisement
ಬೆಂಗಳೂರು: ಈ ಬಾರಿಯ ಲೋಕಸಭಾ ಚುನಾವಣೆಯ ಫಲಿತಾಂಶದ ಕುರಿತು ಎಐಸಿಸಿ ನಾಯಕರಾದ ಶ್ರೀ ರಾಹುಲ್ ಗಾಂಧಿ ಅವರೊಂದಿಗೆ ಚರ್ಚೆಯಾಯಿತು ಎಂದು ಸಚಿವ ಎಂ. ಬಿ. ಪಾಟೀಲ ಹೇಳಿದ್ದಾರೆ.
ಲೋಕಸಭಾ ಚುನಾವಣೆಯ ಫಲಿತಾಂಶ ಕುರಿತಂತೆ ಮಾತಾನಾಡಿರುವ ಅವರು ಸೋಲು-ಗೆಲುವಿನ ಹಾಗೂ ಮುಂದಿನ ದಿನಗಳಲ್ಲಿ ಪಕ್ಷವನ್ನು ಹೇಗೆ ಮುನ್ನಡೆಸಿಕೊಂಡು ಹೋಗಬೇಕು ಎಂಬುದರ ಕುರಿತು ಆತ್ಮಾವಲೋಕನ ಮಾಡಿಕೊಳ್ಳುತ್ತೇವೆ. ಸಚಿವರ, ಶಾಸಕರ ಮೌಲ್ಯ ಮಾಪನವಾಗಲಿದೆ ಎಂಬುದರ ಕುರಿತು ಯಾವುದೇ ಚರ್ಚೆಗಳು ನಡೆದಿಲ್ಲ. ಕಳೆದ 2 ಬಾರಿ ನರೇಂದ್ರಮೋದಿಯವರು ತಮ್ಮ ಸ್ವಂತ ಬಲದ ಮೇಲೆ ಪ್ರಧಾನಿಗಳಾಗಿದ್ದರು. ಈಗ 3ನೇ ಬಾರಿಗೆ ಪ್ರಧಾನಿಗಳಾಗಿದ್ದರು ಕೂಡ ನಿತಿಶ್ ಕುಮಾರ್, ಚಂದ್ರಬಾಬು ನಾಯ್ಡು ಅವರ ಮೇಲೆ ಅವಲಂಬಿತರಾಗಿದ್ದಾರೆ. 5 ವರ್ಷಗಳ ಕಾಲ ಈ ಸರ್ಕಾರ ಇರಲಿದೆ ಎಂಬ ವಿಶ್ವಾಸವನ್ನು ಯಾರೂ ಹೊಂದಿಲ್ಲ. ಬಿಜೆಪಿಗೆ ಕೇವಲ 240 ಸೀಟಗಳಷ್ಟೇ ಬರಲಿದೆ ಎಂದು ಈ ಹಿಂದೆಯೇ ನಾನು ಹೇಳಿದ್ದು, ಅದೀಗ ಸತ್ಯವಾಗಿದೆ! ಎಂದರು.
